Pantun Batak Karo (Bagian 2)

Suku Karo yang sebagian besar berada di Provinsi Sumatera Utara memiliki kebudayaan dan sastra sendiri.

Mereka mempunyai kebiasaan dan adat yang dijaga turun temurun. Salah satunya adalah Pantun Karo.

Orang Karo banyak berada di Dataran Tinggi Karo (Kabupaten Karo), Langkat, Deli Serdang,

Jakarta, Pulau Jawa, Dairi, Medan, bahkan sampai ada juga di Aceh Tenggara.

Berikut adalah kumpulan beberapa pantun Batak Karo, Umpasa Batak Karo, atau Uppasa Batak Karo, yang dilantunkan dalam Bahasa Karo atau Cakap Karo:

Tantan Siring Ertali-tali
Kujaka-jaka Alu Batang Buluh
Nde Tigan, Nde Iting Si Metami
Apai Kam Duana Si Rutang Pusuh

Belo Persentabin Jabu Benana
Kuta Budaya Si Kuta Lingga
Nde Karo, Nde Nangin Kam Duana
Apai Kam Duana Si Rate Ngena

Keleng ate nandangi teman
Mehamat kata ntabeh ranan
Lagu mehuli gelah ibahan
Ibas pertingkah sejaga-jagan
Ibas silitna siela-elan
Radu irasken maba baban
Nggeluh arus sipehaga-hagan

Enda ia tualah pirang
Ndabuhina kuta Perbesi
Aminna ndauh si kita sirang
Tapi kena tetapnge ateku jadi

Arus terbeluh kita erteman
Pekena-kena ncibalken ranan
Langkah pandangan olah ibahan
Ibas pusuh arus kap siangkan
Sipersingeten ibas kelupan
Jumpa simberat sikata-katan
Di pangan ntabeh radu ipan

Kerja Tahun nggo ndeher pudunna
tengah kesain kundul aku sisada
Adi nggo pagi tamat sekolahku enda
Ku legi kena Turang ku rumah mama

Buluh Pering Mombak Bas Lau
Kutatap-tatap Arah Kenjulu
Beru Biring Sibiak Anakberuku
Sampatindu min Aku Kalimbubundu

Nggeluh sisada tentu melungun
Lalit teman sikeleng-kelengen
Kerina kalak siakap pandangen
Kita saja siakap jadi ikuten

Enda sada makana dua
kenca dua makana telu
Ulanai Nde karo ukurndu dua
gelahna sahun pagi kita erdemu

Kitik gia buah cikala
Galang palu-paluna
Kentisik gia aku ngerana
Mbelin Pasu-pasuNa

Kune kita nggo erban salah
Ola teridah biak pekulah-kulah
Pertingkah olah mbuesa ulah
Pengkebet pe ola bagi singulah
Terus terang akuken me gelah
Pusuh jadi salang ukur pe meriah
Rezeki pe tentu ertambah-tambah
Ate malem pe nandangi turah

Ku ndabuhken batu ku Taneh
Tanehna megara ndube rupana
Arah angin ku peseh ateku tedeh
Nandangi kena impal si ateku Ngena

Gundera salagundi
Rimo manis baba ku Kandibata
Mesera tuhu ibas pertibi
Senang malem adi ras Dibata

Baba cekala ku Tigajumpa
Gelah situkur minak mentega
Sepala nggo me kita jumpa
Ersada ukur mantek gereja

Bulung-bulung kalinjuhang bibi
Kerah-kerah bulung kelawes
Ateku tutus atendu lahang agi
Kujanari Ma Karo Lawes

Saringkulit taneh tenggiring
Baba durian nukur kemeja
Ola min lit sitading-tading
Muat bagin mbangun kuta

Lit sekinku kitik-kitik
kutek-tekken ku bulung bewan
dagingku enda si kitik-kitik
tapi aku kange pereman medan

Ipakena baju er-renda
Ertumba-tumba beras babana
Kataken arena belasken arenda
Erlumba-lumba pepulung dana

Mentas si kuda gara
dua kepe ranteina
mbelin si anak mama
man bangku si mejilena