Pantun Kerinci Jambi (Bagian 1)

Suku Kerinci Jambi sebagian besar berada di Provinsi Jambi dan mempunyai kebudayaan dan sastra sendiri.

Mereka mempunyai kebiasaan dan adat yang dijaga turun temurun. Salah satunya adalah Pantun Kerinci Jambi.

Orang Kerinci Jambi banyak berada di Kabupaten Kerinci di Provinsi Jambi.

Berikut adalah kumpulan beberapa Pantun Kerinci Jambi, yang dilantunkan dalam bahasa Kerinci Jambi:

Mano ngambik si padi payo
Cubo lah beli di Tebat Ijuk
Sejak busuo ngan badan kayo
Situ mulai hati ku mabuk

Pueh nanak si breh payo
Butampi buang dedak nyo
Pueh nantek ku badan kayo
Kanti kito lah buranak tigo

Mano ngambik si bungo lilin
Dingan ado si bungo padi
Kalu kayo ngalih ku lain
Iluk lah bunoh si badan kami

Muko di timbo di bendae ujung
Ba ikan puyu banyak ngan gdang2
Muko di tanyo ka kayo datung
Nakan katuju niang ngan pubisan

Siang ini ahi nyo iluk
Ahi nyo paneh lah sampai petang
Manen idak hati ku mabuk
Raso nyo kayo di ambik uhang

Kito mungaji di koto bento
Mungaji nyu sampe lah senjo
Kayo bujanji baliak dahi ranto
Piyo kayo balik ba duo pulo

Ngisi minyak ke Sungai Liuk
Minyak abih tibo di Koto Payang
Mak lah sampai hati iko mabuk
Badan kami untuk iko suhang

Apo carito uhang di dumo
Munanam jagung dgn lah cabai
Apo carito kayo di ranto
Kalo buruntung jepauh lah kamai

Muko kamai bu penyap bae
Agi ba sahat agi munyapu
Muko kamai senyap bae
Cahi di dalak lum nyu cuk

Padi payo tengah umo
Dimakan behuk di ahi pagi
Yo nian ngan iko kato
Senang nian aso di hati

Koto tuo munjalo di danae kincai
Ikan rayo di bena jadi ikan salai
Kalo kayo nak baparago kincai
Cubo samo add dengan goup kanta

Nak ili ku Sungai liuk
Singgak burenti dusun Bului
Kalu iyo hati iko mabuk
Maih tinggankah Kinci tuhutkah kami

Tebang buluh nak malemang
Isok nyo ahai kito nak ba rayo
Ba puluh2 taun kito di ranto uhang
Baso kincai idak pernah ta lupo

Maih samo mumangkin cabe
Kito busamo ka Ranahmeti
Adik idak ngato kah bae
Kayo nian mukesud hati

Manan kami nak ka pulau tengah
Idak ba sampan idak ba biduk
Manan kami nak di ku tengah
Awak lah hitam idak di bu baju

Banyak umput sirumput bento
Bento tumbuh di dalam plak
Kalu yo nian sebena cinto
Maih lah tuhut balik ku Sulak

Maksud ati ka talang kamuning
Mempuh pulau tengah situ lah jalan
Maksud ati iyo nak busanding
Di putung kanti sedang bu tunang

Kito munanti munanam keladi
Keladi ado di Tebing Tinggi
Kalu itu ngan tijadi,
Kato kan maksud tujuan hati

Masak nasi uhang di kaluhu
Nasi di tanak si breh payo
Lah bupesan ka kayo dulu
Kami daknak nunggu lamo