Pantun Melayu Jambi (Bagian 2)

Suku Melayu Jambi sebagian besar berada di Provinsi Jambi dan mempunyai kebudayaan dan sastra sendiri.

Mereka mempunyai kebiasaan dan adat yang dijaga turun temurun. Salah satunya adalah Pantun Melayu Jambi.

Orang Melayu Jambi banyak berada di Provinsi Jambi yaitu di Kabupaten Batanghari – Muara Bulian,

Kabupaten Bungo – Muara Bungo, Kabupaten Kerinci – Siulak, Kabupaten Merangin – Bangko,

Kabupaten Muaro Jambi – Sengeti, Kabupaten Sarolangun, Kabupaten Tanjung Jabung Barat – Kuala Tungkal,

Kabupaten Tanjung Jabung Timur – Muara Sabak, Kabupaten Tebo – Muara Tebo, Kota Jambi, Kota Sungai Penuh.

Berikut adalah kumpulan beberapa Pantun Melayu Jambi, yang dilantunkan dalam bahasa Melayu Jambi:

Batanghari aeknyo tenang, Sungguhpun tenang deras ke tepi Anak Jambi jangan dikenang, Kalo dikenang merusak hati.

Kalu ado mobil ke Bungo, Numpanglah aku ke Rantau Panjang; Kalu ado cewek butanyo, Katokan aku sudah tabuang

Kalu ado burung yg lepeh jgn dtangkap dgn anak nyo jangan menjadi anak pamaleh idak lah senang hdup d dunio

hari ini menanam padi.. esok lusa munanam serai.. malam ini kita bujadi.. isuk pagi kito bercerai

Muaro Bungo medan buperang, Jepang masuk Belando lari; Hilang bungo dapat dikarang, Hilang kau kemano kucari

Hidup api pangganglah kuau, Kuau dipanggang si abang kaki Maksud hati nak meraih pulau, Pulau dijago sinago sakti.

makan nasi lauk sambal kangkung… makan besamo berawang pulo.. rindulah hati nak balik ke kampung… apolah dayo badan lah ibo

Kami ba umo di lereng bukit, Rebahlah padi digiling batang Kami umpamo si burung pipit, Kemano terbang di halau urang

Kota Bangko bepagar bilah, Kota Jambi bepagar besi; Kota Bangko kutinggal sudah, Kota Jambi tempat ku jadi

Lubuk pungguk tepian napal, Tempat budak mencuci baju; Awak biduk nak serempak kapal, Idaklah mungkin nyo samo laju

Seberapo rimbun kayu di Jambi, Rimbunlah jugo kayu di Tungkal; seberapo rindu kau nan pegi, Rindulah jugo kami nan tinggal

Kalo ado gelang di tangan, Idak melurut cincin di jari Kalo ado tunang awak nian, Idak merebut si tunang kanti

Ke talang pegi mulatah, Pegi merumput lanyo padi mudo; Malang nian nasib kau antah, Tibo lah di mulut tebuang jugo.

Cik Siti mngepang rambut, Rambut tekepang sebelah kanan; Kalo sudi surat disambut, Kalolah idak buanglah ke laman.

Bederai hujan di rimbo, Tibo di padi bederai jangan; Becerai kito di muko, Namun di hati becerai jangan.

Anak cino menanam ubi, Ubi tetanam dimakan babi; Anak siapo nan bepantun tadi, Cubolah diulang sekali lagi.

Kalu ado mobil ke Bungo, Numpanglah aku ke Rantau Panjang Kalu ado cewek butanyo, Katokan aku sudah tabuang.

Macam mano awak nak mandi, Banyak lah bilah daripado buluh; Macam mano awak nak jadi, Banyak yang negah daripado nyuruh.

Macam mano awak nak mandi, Anak buayo di bawah titin; Macam mano awak nak jadi, Adek kayo abang musekin.