Pantun Melayu Jambi (Bagian 3)

Suku Melayu Jambi sebagian besar berada di Provinsi Jambi dan mempunyai kebudayaan dan sastra sendiri.

Mereka mempunyai kebiasaan dan adat yang dijaga turun temurun. Salah satunya adalah Pantun Melayu Jambi.

Orang Melayu Jambi banyak berada di Provinsi Jambi yaitu di Kabupaten Batanghari – Muara Bulian,

Kabupaten Bungo – Muara Bungo, Kabupaten Kerinci – Siulak, Kabupaten Merangin – Bangko,

Kabupaten Muaro Jambi – Sengeti, Kabupaten Sarolangun, Kabupaten Tanjung Jabung Barat – Kuala Tungkal,

Kabupaten Tanjung Jabung Timur – Muara Sabak, Kabupaten Tebo – Muara Tebo, Kota Jambi, Kota Sungai Penuh.

Berikut adalah kumpulan beberapa Pantun Melayu Jambi, yang dilantunkan dalam bahasa Melayu Jambi:

Muaro Bungo medan buperang
Jepang masuk Belando lari
Hilang bungo dapat dikarang
Hilang kau kemano kucari

Kalun adik mumancing umbai
Tulung jugo mumancing atap
Kalun adik idak sasuai
Tulung jugo baon bacakap

Cubo-cubo main galumbang
Sampai ke tepi membao tampah
Cubo-cubo menanam mumbang
Nasib baik negeri betuah

Anak cino menanam ubi
Ubi tetanam dimakan babi
Anak siapo nan bepantun tadi
Cubolah diulang sekali lagi

Macam mano awak nak mandi
Banyak lah bilah daripado buluh
Macam mano awak nak jadi
Banyak yang negah daripado nyuruh

Macam mano awak nak mandi
Anak buayo di bawah titin
Macam mano awak nak jadi
Adek kayo abang musekin

Cik Siti mngepang rambut
Rambut tekepang sebelah kanan
Kalo sudi surat disambut
Kalolah idak buanglah ke laman

Cubo-cubo main galumbang
Sampai ke tepi membao tampah
Cubo-cubo menanam mumbang
Nasib baik negeri betuah

Mudik dusun padang duku
Di mudiknyo padang pisang
Bukan ku ndak dengan kau
Hidupku miskin diriku malang

Kota Bangko bepagar bilah
Kota Jambi bepagar besi
Kota Bangko kutinggal sudah
Kota Jambi tempat ku jadi

Seberapo rimbun kayu di Jambi
Rimbunlah jugo kayu di Tungkal
seberapo rindu kau nan pegi
Rindulah jugo kami nan tinggal

Burung ndu inggap di batang
Inggap nyo didahan kawo
Rindu kau dapek ditahan
Rindu aku saparo gilo

Ke talang pegi mulatah
Pegi merumput lanyo padi mudo
Malang nian nasib kau antah
Tibo lah di mulut tebuang jugo

kayek mandi ke tepian umo
Jangan lah lupo maon kain selai duo
Kami burami dirumah tuo
Menghidup budayo di kampung lamo

Cik Siti mngepang rambut
Rambut tekepang sebelah kanan
Kalo sudi surat disambut
Kalolah idak buanglah ke laman

Agi lah dulu berambut panjang
Kini berambut nan jejak bahu
Agi lah dulu bukasih sayang
Kini sarupo lah ngidak tau

baderai hujan di rimbo
Padi-padi baderai jangan
Bacerai kito dimato
Dihati bacerai jangan

Babiduk dalam payo
Singgah manahik aka jihang
Awak buhuk tidak na ado
Macam puman di katon uhang

Itu ku segan baumo di mampun
Padi ku abih di linden batang
Itu ku segan balik ka dusun
Upat puji fitnah datang