Suku Gayo sebagian besar berada di Provinsi Aceh dan mempunyai kebudayaan dan sastra sendiri.
Mereka mempunyai kebiasaan dan adat yang dijaga turun temurun. Salah satunya adalah Pantun Gayo.
Orang Gayo banyak berada di Provinsi Aceh yaitu di kabupaten Aceh Tengah, Bener Meriah dan Gayo Lues.
Berikut adalah kumpulan beberapa Panton Gayo Aceh:
Patal terlis i tuhi uren
Aku gere rejen bertudung tetemi
Bier merelis nyawa ari beden
Aku gere rejen ubah janyi
Kolak-kolak ulung ni bayur
Ulung ni bayur ijo semelah
Bier jarak semelah ni baur
Ike ara umur mudemu turah
Jangut dagu umeken gaya
Kati agak jema kite tengku
Dele memang jema mera
Tapi gisarapeh kenah ateku
Umah atu jendela kaca
Anak ni reje biasa empue
Aku hine lagipun papa
Gere mureta sana peralme
alus-alus ulung ni uyem
ulungni uyem gere te poen
kurus-kurus mikiri denem
nguk’en ilen ku perah laen
Kampung porang mu kulem kolak
Ampa kolak mu kute tingi
Ike cintaku adik tolak
Umahmupeh aku atui
Ukir ni tape mampat ni sentong
Unik mudengong munaso madu
Kamang ni tumpit nume gegoyong
Kurawom songong berjunte aku
Liku-liku dene ku akul
Ike betul dene ku pasir
Hana kati uluku nge gutul
Rupen ntap gatitu aku bepikir
Uluh kawen selenya tangan
Uluh biang penggure e
Bebere kampong bereder bengkuang
Kepies kemang teniro ne
Atas-atas terbangni kalang
Terbang nenang ku langit biru
Bier sidehpeh atete senang
Ike gi mu biak dor was ni karu
Mampat-mampat bunge ni pingen
Kite engon sebelum luntur
Sentan muloi berlepingen
Pingen ringen muet rabul
Galang dompol nge mukarat
Ku catoken ku batangni mangga
Memang aku mirif urang barat
Ama rum ine nge dabuh bangga
Mampat-mampat tengah mude beden
Gelah ku Tuhen kite bersukur
Ke muloi sesara kase timul ni uwen
Enguk i perinen penanti pintu kubur
Tik kertak kertik
Ulung pertik mu jejari
Kunehaku gere kedik
Kourek itik nonton TV
kesediken olok aku terih
Orop enti waih mukale kin iken
Nge ku betih muteger pedih
Lagu bunge ni bertih meh bersempuren
Anak ni kedih atas ni nangka
Anakni kera atasni kemili
Ike sunguh adik mera
Hondamupeh aku beli
kolak-kolak lumu keladi
Kin balutni ragi agih-agihe
Cabak-cabak kujema dagi
Nge jep sagi teles parute
Kolak-kolak ulung ni bayur
Ulung ni bayur ijo semelah
Bier jarak semelah ni baur
Ike ara umur mudemu turah
kedidi atas ni atang
Sesubang atasni sange
Nge roa lo ate gere senang
Gere mera mis mataku nome
