Suku Kerinci Jambi sebagian besar berada di Provinsi Jambi dan mempunyai kebudayaan dan sastra sendiri.
Mereka mempunyai kebiasaan dan adat yang dijaga turun temurun. Salah satunya adalah Pantun Kerinci Jambi.
Orang Kerinci Jambi banyak berada di Kabupaten Kerinci di Provinsi Jambi.
Berikut adalah kumpulan beberapa Pantun Kerinci Jambi, yang dilantunkan dalam bahasa Kerinci Jambi:
Uhang Batu Sangkar mencari belut
Uhang Lubuk Suli munanam padi
Ini idak sekedar di mulut
Tapi ini yo nian dari hati
Pandai nian kayo munjalo
Tiap munjalo panjang nian tali
Pandai nian kayo bukato
Tiap bukato keno nian di hati
Mano lah dusun Koto Majidin
Jalan masuk ado duo
Lah ku cubo ngalih ku lain
Namun punano ku kayo jugo
Kalu ado cabe bubungo
Iluk di tanam si cabe padi
Badan nyo kayo memang buguno
Kayo tu nian mumbuang diri
Pegi usik ka Koto Majidin
Truh bujalan ku Sungai Liuk
Idak kami ngalih ku lain
Tapi adik nalak uhang ngan iluk
Kalu ku tau baju tu cabik
Idak ku pakai ka badan
Kalu tau iko munantik
Akan ku serah nyawo ngan badan
Kalu iyo pandai menanam kawo
Cubo di tanam si kawo cari
Lah pandai nian adik bukato
Lain di mulut lain pulo di hati
Bukan kami pandai munyalo
Ikan mati muminum tubo
Bukan kami pandai bu kato
Hati ti mabuk si badan kayo
Koto majidin busimpang tigo
Jalan nyo masuk dusun Bului
Sampai hati sibadan iko
Minin munalak ganti nyo kami
Iluk bularik buluh purindu
Di pakai uhang jadi ku suling
Siang ngan malam di mabuk rindu
Kayo ku rindu lah duduk busanding
Pegi ku rimbo mumikat balam
balam nyo kno si tigo gayo
hati ku mabuk siang ngan malam
mabuk di adik saparoh nyawo
Bukak imbo di Ranah Sako
Situlah tempat butanam kopi
Kami lah tau rahasio iko
Manih di mulut lain di hati
Kalu kayo ke Sungai Liuk
Jangan lupo ngambik bungo Cino
Bukanyo kami nalak ngan iluk
Kami di pakso uhang tuo
Bukak imbo di Renah Sako
Uhang munanam punanam mudo
Jangan kayo salah munyangko
Idak pucayo belah lah dado
Iluk lah pegi ku Kayu Aro
Singgah buranti ku Kersik Tuo
Jangan lah adik muraso ibo
Wo lah ado mbuh ndak di bao
Muko di tegah kayo jalan ku Kinci
Jalan nyu buruk ba lubang lubang
Jangan lah kayo ninggan ku Kinci
Agi banyak uhang dingan sayang
Uhang Semerah nanam bungo lilin
Uhang Kersik Tuo munanam bawang
Manen idak ngalih ku lain
Karno kami lah kayo buang
Bu pelak bu tanam kacang
Kacang di tanam di Tanah Tinggi
Kalu ado uhang ngan sayang
Idak kami muracun hati
Kalu kayo pegi ka Kebun Baru
Jangan lupo meli jeruk
Kalu kayo bukato snu itu
Kayo nak mena hati ku mabuk