Suku Toba banyak berada di Provinsi Sumatera Utara memiliki kebudayaan dan sastra sendiri.
Mereka mempunyai kebiasaan dan adat yang dijaga turun temurun. Salah satunya adalah Pantun Batak Toba.
Orang Toba banyak berada di Kabupaten Samosir, Kabupaten Toba Samosir, Kabupaten Humbang Hasundutan,
Kabupaten Tapanuli Utara, sebagian Kabupaten Dairi, Kabupaten Tapanuli Tengah, Kota Sibolga dan sekitarnya
Berikut adalah kumpulan beberapa Pantun Batak Toba, Umpasa Batak Toba, atau Uppasa Batak Toba, yang dilantunkan dalam Bahasa Toba:
Martahuak ma manuk di bungkulan ni ruma
Horas ma hula-hulana,songoni nang akka boruna
Simbora ma pulguk, pulguk di lage-lage
Sai mora ma hita luhut, huhut horas jala gabe
Sahat solu, sahat di parbinsar ni ari
Leleng ma hamu mangolu jala di iring-iring Tuhan ganup ari
Suman tu aek natio do hamu, riong-riong di pinggan pasu
Hula-hula nabasa do hamu, na girgir mamasu-masu
Mangula ma pangula, dipasae duhut-duhut
Molo burju marhula-hula, dipadao mara marsundut-sundut
Ruma ijuk tu ruma gorga,
Sai tubu ma anakmuna na bisuk dohot borumuna na lambok marroha
Hariara madungdung, pilo-pilo na maragar
Sai tading ma na lungun, ro ma na jagar
Sinuan bulu sibahen na las
Tabahen uhum mambahen na horas
Anian ma pagabe tumundalhon sitodoan
Arimu ma gabe molo marsipaolo-oloan
Eme ni Simbolon parasaran ni si borok
Sai horas-horas ma hita on laos Debata ma na marorot
Sititik ma sigompa, golang-golang pangarahutna
Tung so sadia pe naeng tarpatupa, sai anggiat ma godang pinasuna
Gadu-gadu ni Silindung, tu gadu-gadu ni Sipoholon
Sai tubu ma anakmuna 17 dohot borumuna 16
Pinasa ni Siantar godang rambu-rambuna
Tung otik pe hatakki, sai godang ma pinasuna
Tuat si puti, nakkok sideak
Ia i na ummuli, ima ta pareak
Andor hadukka ma patogu-togu lombu
Sai sarimatua ma hamu sahat tu na patogu-togu pahoppu
Mandurung di aek Sihoru-horu, manjala di aek Sigura-gura
Udur ma hamu jala leleng mangolu, hipas matua sonang sora mahua
Aek godang tu aek laut
Dos ni roha sibaen na saut
Napuran tano-tano rangging marsiranggongan
Badan ta i padao-dao, tondita i marsigomgoman
Bulung ni Taen tu bulung ni Tulan
Ba molo tarbahen, sai topot hamu hami sahali sabulan
Molo so boi bulung ni tulan, pinomat bulung ni salaon
Ba molo so boi sahali sabulan, pinomat sahali sataon
Marmutik tabu-tabu mandompakhon mataniari
Sai hot ma di hamu akka pasu-pasu, laho marhajophon akka na sinari
Adong padan ,ruhut ,adat,ido siingoton
Soadong padan ruhut ,adat,uhum,dohot hasomalon siingoton
Ni durung si Tuma laos dapot Pora-pora
Molo mamasu-masu hula-hula mangido sian Tuhan
Napogos hian iba, boi do gabe mamora
Bona ni pinasa, hasakkotan ni jomuran
Tung aha pe dijama hamu, sai tong ma dalan ni pasu-pasu
Dolok ni Simalungun, tu dolok ni Simamora
Salpu ma sian hamu na lungun, sai hatop ma ro si las ni roha
