Suku Kerinci Jambi sebagian besar berada di Provinsi Jambi dan mempunyai kebudayaan dan sastra sendiri.
Mereka mempunyai kebiasaan dan adat yang dijaga turun temurun. Salah satunya adalah Pantun Kerinci Jambi.
Orang Kerinci Jambi banyak berada di Kabupaten Kerinci di Provinsi Jambi.
Berikut adalah kumpulan beberapa Pantun Kerinci Jambi, yang dilantunkan dalam bahasa Kerinci Jambi:
Kalu ili ku Sungai Penuh
Cubo beli si gulung tali
Untuk apo buhati usuh
Pantun di baleh pungubat hati
Iluk bungi murai bukicao
Nyo bukicao petang ngan pagi
iluk bungi iko mungurai kato
Iko nak mana kmi mabuk hati
Kalu ku sulak sulak nian
Kak tentu mumbeli kain
Kalu idak idak ku nian
Mak tentu ngalih ku lain
Pulau tengah munanam padi
Padi di tanam di tepi telago
Piyo ngah ngato idak jadi
Kami lah siap sa galo galo
Kili kili si anak jawi
Nyu tatambek di dusun uhang
Piki piki sablum jadi
Jangan ta ambih di tunang uhang
Buah cemedak dak laku
Jual jagung ke renah
Kalu ndak digan aku
Jangan jugo ngato dak dumah
Kili kili si kerbau butino
Tatambeh nyu di kayu matai
Piki piki seblum ngato
Tamih ado uhang muraso atai
Langkueh ngan padai padai
Masak gule jadi umbu nyo
Lah pueh munahan atai
Ta lepeh kato bahu nyu lego
Sapedeh uhang minang ngato
Padai padai kato uhang kincai
Pedeh raso nginang ku kayo
Dek parange kayo mun jadai-jadi
Jilo mujilo pantun mumantun
Ubat hati lamung gilo
Bupantun pangubat dihi
Kalu dituhut tibao gilo
Nak ili ku Sungai Penuh
Jalan trus ku dusun Kumun
Apo ubat ati ngan usuh
Kito hibur ngan bubaleh pantun
Semantuh tumbuh tepi imbo
Idak di luhah nyu tumbuh ugo
Bapantuh melestari kan budayo
Idak kito sapo agi ngan nak muo
Bukit kasur teramat tinggi
Raih uto pegi ke dusun
Bangkit tidur selamat pagi
Maih kito mulai bapantun
Gunung tujuh ladi Kayu Aro
Dekat la dingan Gunung Kurinci
Kalu dak jadi ngan badan kayo
Bia ku tinggan tanah kurinci
Kalu la iyo si bna padi
Apo tando si padi payo
Kalu iyo iko nak si bena jadi
Bia kami tantek ngan si badan kayo
Iluk nian bentuknyo daun
Nyo mulimbai kdalam umo
Latilambat ngajak bapantun
Kami lamulai dari jam limo
Kalu agi cabe bubungo
Idak kami ka salang puang
Kalu agi kami buguno
Idak badan tibuang jauh
Jalan lurus ke dusun Kumun
Kito suo umah dinas bupati
Iluk ugo bubaleh pantun
Mano tau suo ka tuju ati
Ku pelak tanam kuladi
Ado burisi duo ngan tigo
Maksud hati iyo nak jadi
Takut nyo kayo hati munduo
