Suku Kerinci Jambi sebagian besar berada di Provinsi Jambi dan mempunyai kebudayaan dan sastra sendiri.
Mereka mempunyai kebiasaan dan adat yang dijaga turun temurun. Salah satunya adalah Pantun Kerinci Jambi.
Orang Kerinci Jambi banyak berada di Kabupaten Kerinci di Provinsi Jambi.
Berikut adalah kumpulan beberapa Pantun Kerinci Jambi, yang dilantunkan dalam bahasa Kerinci Jambi:
Pegi usik ke Sulak Dereh
Truh jalan ka Danau Tinggi
Manen idak kami buralih
Karno nyo kayo lah dapat ganti kami
Sungguh tinggi gunung berapi
Situ lah nampak danau Kincai
Kalo yo nian datung kito sihati
Langit takunci samo di ungkai
Lah mudik si uhang Kubang
Ngambik mayan di Sulak Derih
Bukan adik ngan kami buang
Adik tu nian ngan nak buralih
Ka mudek Gunung Kurinci
Ku ile ka Gunung Rayo
Kalu iyo dak sampai jadi
Ngaku dunsanak kito buduo
Pegi ku Kayu Aro mumbeli jeruk
Jeruk lah ado balai Bedeng Lapan
Kami lah idak mena adik mbuk
Dalam hati kami ngan bukato nian
Dahi Pasise ndak ka Padang Aro
Kamai sikula di Padang Panjang
Kalo sampat idak jadi kito buduo
Rasokan remuk tulang belulang
Bukannyo kami dak suko sirih
Kami nalak sirih bubungo
Bukannyo kami uhang pumilih
Tapi Kami nalak uhang burado
Nak mudik ka Danau Tinggi
Jalan taruh ku Koto Tuo
Badan adik idak tigenti
Mungkin purajo ngan idak ado
Katutu balago empat
Nyo balago di bawah baru
Idak ka tuju ulak ka cepat
Ulak kabalik ka hati aku
Balai lah Sulak ahi lah senin
Naik uto Kurinci duo
Kalu idak purajo minin
Same di anak purajo ado
Kalu iyo nyan sabena padi
Dedak ampo di dalam bilik
kalu iyo nyaan sabena jadi
Barapo lamo be mbuuh wo nantik
Balai sinayan membeli kain
Kain iluk bungo barendo
Idak nian ado purajo minin
Mano tau isuk samo-samo murando
Uhang Sulak mungaleh jangki
Jangki burisi si padi payo
Ili mudik munalak ganti
Idak sirupo ngan badan iko
Apolah dinding umah di ladang
Nyo budinding daun kulit manih
Ngah bapiki siang ngan mlam
Duduk bamenung same munangih
Kuladang munanam sikulit manih
Nyo tumbuh duo tigo
Dimano duduk situ munangih
Kalu nginamkah jando lah iluk pulo
Dibuladang d itanah ujo
Pisang asrai burangkai tigo
Minin dak usah banyak carito
Talak lah jatuh bucerai kito
Buah manis di ujung dahan
Tibo di dahan buah nyo genting
Ayi mato jatuh idak titahan
Ngimak iko duduk busanding
Dari mano datang cahayo
Cahayo datang dari tmpat tinggi
Dari mano datang cinto
Cinta datang dari hati
Iluk nian batang baru
Situ tempat uhang mandi
Kalau idak dengan hati aku
Bialah idak sampai mati
